कुख्यात गुंड निलेश घायवळ प्रकरणावरून सध्या राजकारण चांगलेचे तापलेले आहे. आमदार रोहित पवार यांनी आता यावरून थेट मुख्यमंत्री देवेंद्र फडणवीस यांच्यावर आरोप केले आहे. रोहित पवार यांनी आज पत्रकार परिषद घेत अनेक खळबळजनक फोटो दाखवत सत्ताधारी नेत्यांवर जोरदार निशाणा साधला. रोहित म्हणाले, सुजय विखेंच्या सभेमध्ये वॅसपीठावर देवेंद्र फडणवीस यांच्यासोबत प्रचार सभेमध्ये सचिन घायवळ होता आणि त्यांनी याबाबतचा व्हिडिओच शेअर केला. तसेच गुंडाला इतक्या सहजपणे पासपोर्ट कसा मिळतो? असा सवालही रोहित पवार यांनी केला. इतकेच नाही तर, तानाजी सावंत यांचे पुतणे घायवळ यांचे भागीदार असून राम शिंदे यांनीही त्याला मदत केल्याचा आरोप पवारांनी केला. यामुळे राज्याच्या राजकारणात खळबळ उडाली आहे.