उपमुख्यमंत्री देवेंद्र फडणवीस यांच्या सागर बंगल्यावर जे. पी. नड्डा यांच्यासोबत राज्यातील नेत्यांची बैठक सुरू आहे. विधानसभेचा आढावा जे. पी. नड्डा घेत आहेत. राज्यातील महत्वाचे नेते या बैठकीला उपस्थित आहेत.

आगामी विधानसभेच्या दृष्टीने ही आढावा बैठक बोलावण्यात आली आहे. सागर बंगल्यावर या बैठकीसाठी सर्व प्रमुख नेते उपस्थित आहेत. जे. पी. नड्डा आगामी विधानसभेच्या दृष्टीने जागा वाटपासंदर्भातील देखील आढावा घेणार आहेत. त्यामुळे भाजप विधानसभेसाठी अॅक्शन मोडवर आलेले दिसत आहे. लोकसभेला झालेल्या गोष्टींची पुनरावृत्ती विधानसभेला होऊ नये म्हणून भाजपकडून पूर्ण खबरदारी आता घेतली जात आहे. त्यासाठी सर्व प्लॅनिंग करून विधानसभेत बहुमत मिळवण्याची भाजपची तयारी सुरू आहे. त्यामुळे नेमकं या बैठकीत काय ठरत, कोणता अॅक्शन प्लॅन भाजप तयार करतं याकडे आता राजकीय वर्तुळाचं लक्ष लागलं आहे.