आज भारताचा ७७वा प्रजासत्ताक दिन साजरा केला जात आहे. यासाठी कर्तव्यपथावर परेड घेण्यात आली. यावेळी अनेक राज्यांचे चित्ररथ होते. दरम्यान, प्रजासत्ताक दिनी हवाई दलानेदेखील शक्तीप्रदर्शन केलं आहे. कर्तव्यपथावर शौर्य दर्शनअंतर्गत भारतीय हवाई दलाने आपलं लष्करी सामर्थ्य दाखवलं आहे. चंदीगडहून तब्बल 350 किमी प्रतितास वेगाने आलेल्या Super Hercules विमानाने आकाशात थरारक परफॉर्मन्स केला. अचूकता, वेग, शिस्त आणि आधुनिक हवाई शक्तीचं दर्शन या सादरीकरणातून देशवासीयांना घडलं. भारतीय हवाई दलाच्या सामर्थ्याचा आणि सज्जतेचा हा अभिमानास्पद क्षण ठरला.