राज्याचे अर्थसंकल्पीय अधिवेशन सध्या सुरू आहे. मात्र या अधिवेशनात भाजपचे आमदार आणि मंत्री हेच दांडी मारत असल्याने राज्यातील आमदारांना लक्षवेधी मांडत असताना मोठ्या अडचणींचा सामना करावा लागत आहे. आता या आमदार आणि मंत्र्यांच्या गैरहजेरीमुळे भाजप प्रदेशाध्यक्ष रवींद्र चव्हाण हे नाराज असल्याचे सांगितले जात आहे. या पार्श्वभूमीवर रवींद्र चव्हाण बैठक घेणार असून या बैठकीत ते आमदार आणि मंत्र्यांचा क्लास घेणार आहे. उद्या मराठवाडा, उत्तर महाराष्ट्र आणि विदर्भातील सर्व आमदार आणि मंत्र्यांना तर बुधवारी पश्चिम महाराष्ट्र, ठाणे-कोकण आणि मुंबईमधील मंत्र्यांची बैठक आयोजित केली आहे. तसेच मंत्री चंद्रशेखर बावनकुळे हे देखील मार्गदर्शन करणार आहे.