जळगाव: जळगावच्या मुक्ताईनगर तालुक्यातील कोथळी गावातील संत मुक्ताई यात्रेत काही गावगुंडांनी केंद्रीय मंत्री रक्षा खडसे यांच्या मुलीची आणि तिच्या आणखी काही मैत्रिणींची छेडछाड केल्याची धक्कादायक घटना काहीवेळा पूर्वी घडली.हा खळबळजनक प्रकार समोर येताच रक्षा खडसे यांच्या सुरक्षा रक्षकाच्या तक्रारीवरून मुक्ताईनगर पोलीस ठाण्यात चार टवाळखोरांविरोधात गुन्हा दाखल करण्यात आला आहे. या घटनेवर मुख्यमंत्री तथा गृहमंत्री देवेंद्र फडणवीस यांनी प्रतिक्रिया दिली आहे.

ते म्हणाले दुर्दैवाने या सगळ्या प्रकरणामध्ये काही विशिष्ट पक्षाचे पदाधिकारी आहेत.ज्यांनी असे वाईट कृत्य केले आहे.पोलिसांनी काहीजणांना अटक केली आहे.इतरांना ही अटक केली जाईल असे महत्वपूर्ण विधान मुख्यमंत्री देवेंद्र फडणवीस यांनी केले आहे.