कोल्हापूर जिल्ह्यातील नांदणी इथल्या महादेवी हत्तीणीला गुजरात इथल्या वनतारा खाजगी प्राणी संग्रहालयात पाठवण्यात आले आहे. वनताराने पुन्हा महादेवी हत्तीनीला परत करावं या मागणीसाठी आज नांदणी ते कोल्हापूर अशीच एक दिवस महादेवी हत्तीनीसाठी या बॅनर खाली 45 किलोमीटरची मूक पदयात्रा काढण्यात येत आहे. अभुतपुर्व गर्दीत सर्व जाती - धर्माचे लोक एकत्रित येत “आमची माधुरी परत करा “ या मागणीसाठी सकाळी ५ वाजता नांदणी निशीधीका येथून मुक पदयात्रेस सुरवात झाली आहे. या पदयात्रेत स्वाभिमानी शेतकरी संघटनेचे नेते राजू शेट्टी यांच्यासह अनेक ग्रामस्थ सहभागी झाले आहेत. ही पदयात्रा सकाळी 5 वाजता नांदणी इथून सुरू झाली असून सायंकाळी 5 वाजेपर्यंत ती कोल्हापूर जिल्हाधिकारी कार्यालयापर्यंत पोहोचेल.