महापालिका निवडणुकीच्या धामधुमीत मोठ्या राजकीय उलथापालथ पाहायला मिळत आहे. एकीकडे ठाकरे बंधूंचा जोरदार प्रचार सुरू असून दुसरीकडे त्यांच्या पक्षातील अनेक बडे नेते हे सोडून जाताना दिसत आहे. ठाकरे बंधु हे मुंबई महापालिकेवर विशेष लक्ष केंद्रित करत आहे तर दक्षिण मुंबईतील मनसेचा बालेकिल्ला समजल्या जाणाऱ्या शिवडीत पक्षाला मोठे खिंडार बसले आहे. मनसेचे महत्वाचे नेते तथा राज ठाकरे यांचे विश्वासू बाळा नांदगावकर यांचे राईट हँड आणि शिवडी विभाग अध्यक्ष संतोष नलावडे यांनी पक्षाला जय महाराष्ट्र करत सोडचिठठी दिली आहे. ते लवकरच एकनाथ शिंदे यांच्या शिवसेनेत प्रवेश करणार आहे.