राज ठाकरे यांनी लोकसभेत महायुतीला बिनशर्त पाठिंबा जाहीर केला होता. लोकसभा निवडणुकीत मनसेने एकही जागा लढवली नव्हती. विधानसभेत महायुतीला काही जागा मिळतील असा अंदाज व्यक्त केला जात होता. काही दिवसांपूर्वी मनसेने महायुतीकडे २० जागा मागितल्याचेही वृत्त होते. आता मनसेने २०० ते २५० जागांवर लढण्याची तयारी केली आहे. त्यामुळे विधानसभा निवडणुकीत मनसेने एकला चलोरे चा नारा दिला आहे का अशी चर्चा आहे. जागा मागण्यासाठी मी कुठेही जाणार नाही असे विधान राज ठाकरे यांनी पदाधिकाऱ्यांच्या बैठकीत केले असे सांगितले जात आहे.