नगरपालिका आणि नगरपरिषदेच्या निवडणुकीमध्ये खोपोलीमध्ये शिंदे गटाच्या मानसी काळोखे या नगरसेविका म्हणून निवडून आल्या होत्या. त्यामुळे घरात मोठ्या जल्लोषाचे वातावरण होते.मात्र काही अज्ञात व्यक्तिनी मानसी काळोखे यांच्या पतीला गाठले आणि त्यांच्यावर हल्ला करत सपासप वार केले. यानंतर संपूर्ण रायगड जिल्हा हादरला आहे. यावरच शिवसेनेचे मंत्री भरत गोगावले यांनी या हत्येमागे राष्ट्रवादी काँग्रेसच्या अजित पवार गट कार्यकर्त्यांचा हात असल्याचा गंभीर आरोप केला आहे. निवडणुकीत हरवू शकले नाहीत, म्हणून हा प्रकार घडला असावा, असा दावा गोगावले यांनी केला आहे. पोलिसांनी या प्रकरणी अज्ञात व्यक्तींविरोधात गुन्हा दाखल केला असून तपास सुरू आहे.