Current dam levels in Maharashtra district-wise : रायगड जिल्ह्यात मे आणि जून महिन्यात झालेल्या समाधानकारक पावसामुळे धरणांमधील जलसाठ्यात मोठी वाढ झाली आहे. लघुपाटबंधारे विभागाच्या २८ प्रकल्पांमध्ये सध्या ६०% पाणीसाठा आहे. सुतारवाडी, पाभरे, संदेरी खिंडवाडी यासह ९ धरणं पूर्ण क्षमतेने भरली आहेत, तर फणसाड आणि वावा धरणं लवकरच ओसंडून वाहण्याची शक्यता आहे. हा वाढलेला जलसाठा रायगडसह आसपासच्या भागांसाठी आगामी काळात दिलासादायक ठरणार आहे. पाण्याच्या उपलब्धतेमुळे शेती आणि पिण्याच्या पाण्याचा प्रश्न सुटण्यास मदत होईल. जिल्ह्यातील पाणीटंचाई दूर होण्याच्या दृष्टीने ही बाब महत्त्वाची मानली जात आहे.

रायगड जिल्ह्यात ९ धरणं पूर्ण क्षमतेने भरली असून, फणसाड आणि वावा लवकरच ओसंडतील. २८ प्रकल्पांमध्ये ६०% साठा असून, पावसामुळे शेतकरी व नागरिकांना दिलासा मिळणार आहे. पाणीटंचाई दूर होण्याची शक्यता वाढली आहे.

रायगड जिल्ह्यात आज (१९ जून २०२५) पावसाचा जोर कायम आहे. हवामान खात्याने रायगडसाठी रेड अलर्ट जारी केला असून, मुसळधार पावसाची शक्यता आहे. कुंडलिका, पाताळगंगा आणि अंबा नद्यांनी इशारा पातळी ओलांडली आहे, त्यामुळे पूरपरिस्थितीचा धोका वाढला आहे. प्रशासनाने नागरिकांना सतर्क राहण्याच्या आणि सुरक्षित ठिकाणी राहण्याच्या सूचना दिल्या आहेत. शाळांना सुट्टी जाहीर करण्यात आली आहे.