महाराष्ट्रातील सांगलीत आलेल्या राहुल गांधी यांनी राज्यातील महायुती आणि केंद्रातील भाजप सरकारसह पंतप्रधान नरेंद्र मोदींवर हल्ला चढवला. भाजप सरकारमध्ये प्रत्येक गोष्टीत भ्रष्टाचार झाल्याचा गंभीर आरोपही राहुल गांधी यांनी केला.

रोजगार ज्यांना हवा आहे, त्यांना आता मिळू शकत नाही. कारण ज्या कंपन्या रोजगार देत होत्या, त्या बंद झाल्या आहेत. अंबानी आणि अदानी हे देशाला रोजगार देऊ शकत नाही, रोजगार लहान उद्योजक, मध्यम उद्योग हे देऊ शकतात. भारतात नवा मॉडल आहे. चायनाचा माल येतो, तोच माल दहा बारा अब्जाधीश विकताहेत. मेड इन महाराष्ट्र, मेड इन इंडिया कुठेच दिसत नाही. नुकसान देशाच्या युवकांचा होतोय. अदानी अंबानींचा फायदा होतोय. दोन हिंदुस्थान निर्माण झाले आहेत. एक अब्जाधीश आणि एक गरिबांचा, अशा शब्दांत राहुल गांधी यांनी टीकास्त्र सोडलं.

एक हिंदुस्थान असायला हवा. बँकांचे दरवाजे अब्जाधीशांसाठी खुले झाले आहेत, तर बँकांचे दरवाजे गरिबांसाठीही खुले झाले पाहिजेत, अशी आमची मागणी आहे. प्रत्येक क्षेत्रात भ्रष्टाचार दिसतो. रस्ते, सरकारच भ्रष्टाचारी आहे. जिथे बघाल तिथे भ्रष्टाचार पाहायला मिळेल. बाहेरचे लोक इथे येऊन कंत्राट हिसकावून घेतात. ही परिस्थिती आम्हाला बदलायची आहे, असं राहुल गांधी म्हणाले.