पुण्यात दिवसेंदिवस गुन्हेगारीच्या घटना वाढू लागल्या आहेत. शहरात कोयता गँगने धुमाकूळ घातला आहे. गुंडांकडून निष्पाप लोकांवर हल्ले वाढले आहेत. तर काही ठिकाणी गोळीबाराच्या देखील घटना वाढल्या आहेत. पुण्यात शुक्रवारी रात्री देखील गोळीबाराची घटना घडली. पुण्यात वारजे भागात झालेल्या गोळीबाराने एकच खळबळ उडाली. वारजेच्या सलूनमध्ये ३ ते ४ जणांकडून गोळीबार करण्यात आला. गोळीबाराच्या घटनेत दोन जण जखमी झाले आहेत. पोलिसांनी या प्रकरणात एकाला ताब्यात घेतलं आहे. वारजे भागात झालेल्या गोळीबाराने नागरिकांमध्ये दहशत पसरली आहे. नागरिकांकडून गुन्हेगारांवर कठोर कारवाई मागणी करण्यात आली आहे.