पुण्याचा दुसरा मानाचा तांबडी जोगेश्वरी गणपती आज दुपारी ४ वाजून १० मिनिटांनी विसर्जन करण्यात आला. यंदाही पर्यावरणपूरक उपक्रम राबवत कृत्रिम हौदातच गणपतीचे विसर्जन करण्यात आले. विसर्जनावेळी परिसरात भक्तिमय वातावरण अनुभवायला मिळाले. टाळ-ढोलांच्या गजरात, "गणपती बाप्पा मोरया, पुढच्या वर्षी लवकर या"च्या जयघोषात पुणेकरांनी आपल्या लाडक्या तांबडी जोगेश्वरी गणपतीला निरोप दिला. भाविकांनी मोठ्या श्रद्धा आणि भक्तिभावाने या मिरवणुकीत सहभाग घेतला.