सोशल मिडियायवर नेहमीच लोकांना आपल्या रिलमधून हसवत राहणाऱ्या आणि कधी आपल्या रिलमधून सामाजिक संदेश देणारा प्रसिद्ध सोशल मीडिया इन्फ्लुएन्सर अथर्व सुदामे सध्या वादाच्या भोवऱ्यात अडकला आहे. गणेशोत्सवाच्या पार्श्वभूमीवर अथर्व सुदामेनं एक रिल तयार केला होता. यामध्ये त्याने हिंदू-मुस्लिम एकतेचा संदेश देणारा एक रिल तयार केला होता. मात्र, या रिलवरुन मोठे वादंग निर्माण झाले. यामुळे त्याला प्रचंड रोषाला सामोरे जावे लागले. कमेंटसमध्ये अनेकांनी त्याला ट्रोल केलं असून त्यामुळे त्याने आपलं हे रिलच डिलिट केले आहे. आणि त्यानंतर अथर्व सुदामेने माफी देखील मागितली आहे.