पुण्यातील एका नामांकित कॅफेच्या पदार्थामध्ये आळी आढळून आल्यामुळे खळबळ उडाली आहे. पुण्यातील या घटनेचा व्हिडीओ सोशल मीडियावर व्हायरल झाला आहे. ग्राहकाने स्वतः सोशल मीडियावर पोस्ट करत याबाबतची माहिती दिली. पुण्यातील कल्याणीनगर भागातील नामांकित कॅफेच्या चिज चिली टोस्टमध्ये ग्राहकाला आळी आढळली. कॅफेच्या व्यवस्थापकाला याबाबत तक्रार केली असता त्याने लक्ष दिलं नसल्याची तक्रार ग्राहकाने केली आहे. त्यामुळे ग्राहकाने सोशल मीडियावर थेट एक पोस्ट करून कॅफेमधील स्वच्छता आणि ग्राहक सेवेबद्दल खंत व्यक्त केली आहे. हा व्हिडीओ सध्या सोशल मीडियावर तुफान व्हायरल होत आहे.