पुणे हिट अँड रन प्रकरणी आरोपी अल्पवयीन तरुणाचा एक व्हिडीओ व्हायरल झाला आहे. या व्हायरल व्हिडीओवर त्याच्या आईने स्पष्टीकरण दिले आहे. सोशल मीडियावर व्हायरल होणार व्हिडीओ हा माझ्या मुलाचा नाही. तो फेक व्हिडीओ आहे. माझ्या मुलाल संरक्षण द्या, अशी विनंतीही अल्पवयीन मुलाच्या आईनं पोलिसांनी केली आहे. पोलिसांनी याबाबत बांधकाम व्यावसायिक विशाल अग्रवाल यांच्याकडेही विचारणा केली. त्यावेळी तो व्हिडिओ मुलाचा नसल्याचे सांगितले. तसेच, या व्हिडिओची खातरजमा केल्यानंतर वरिष्ठ पोलिस अधिकाऱ्यांकडून तो व्हिडीओ बनावट असल्याचे सांगण्यात आले.