पुण्यामध्ये आज मनसे अध्यक्ष राज ठाकरे हे कार्यकर्त्यांच्या भेटीसाठी आले आहेत. तर आज मुख्यमंत्री देवेंद्र फडणवीस यांची देखील पुण्यात जाहीर सभा होणार आहे. दोन्ही दिग्गज नेते आज पुण्यात आहेत अशात पुण्यात राजकारण तापले आहे. पुण्यामध्ये मनसे- भाजपचे कार्यकर्ते आमने-सामने आले आहेत.

राज ठाकरे उमेदवार आणि कार्यकर्त्यांच्या भेटीसाठी पुण्यात आले आहे. त्यांचे जल्लोषात स्वागत करण्यात आले. मनसे कार्यकर्त्यांकडून ढोल वाजवण्यात आले आणि फटाक्यांची अतिषबाजी करण्यात आली. ज्याठिकाणी मुख्यमंत्री देवेंद्र फडणवीस यांची सभा होणार आहे त्याच ठिकाणी राज ठाकरे उमेदवारांच्या भेटीसाठी आले. यावेळी मनसे कार्यकर्त्यांनी जोरदार घोषणाबाजी केल्या. यावेळी भाजप कार्यकर्ते आणि मनसे कार्यकर्ते आमने-सामने आले असल्याचे चित्र पाहायला मिळाले.