पंढरपूरला जाणाऱ्या वारी दरम्यान काही चोरीच्या घटना घडल्या होत्या. यावर पुणे पोलिसांनी मोठी कारवाई केली आहे. संत ज्ञानेश्वर आणि संत तुकाराम महाराज यांच्या पालखी सोहळ्याच्या वेळेस वारकऱ्यांच्या वेशभूशेत घुसून चोरी करणाऱ्या टोळीच्या मुसक्या आवळल्या आहेत. पालखी सोहळ्यात आलेल्या भाविकांचे दागिने आणि मोबाइल चोरणाऱ्या टोळीला गुन्हे शाखेने अटक केली आहे. चोरट्याकडून 23 तोळे सोन्याच्या दगिन्यांसाह 14 मोबाइल हस्तगत करण्यात आले आहे. रिटा उर्फ गंगा नामदेव कांबळे (वय-35), चांदणी शक्ती कांबळे (वय- 32), बबिता सूरज उपाध्ये (वय- 27), गणेश विलास जाधव (वय 30, रा. सोलापूर) पूजा धीरज कांबळे (वय 35, सर्व रा. उदगीर, जि. लातूर), अशी या चोरट्यांची नाव असून त्यांच्याकडून 23 तोळे सोन्याची दागिने हस्तगत करण्यात आली आहे.