अजित पवार आणि शरद पवार यांच्यात बंद दाराआड चर्चा झाली आहे. आज पुण्यात वसंतदादा सहकारी साखर कारखान्याचा कार्यक्रम पार पडला. हा कार्यक्रम संपल्यानंतर सर्व नेते जेवायला गेले, मात्र अजित पवार यांनी थेट शरद पवार यांचं कार्यालय गाठलं. दोघांमध्ये त्यानंतर १० मिनिटं चर्चा देखील झाली. यावेळी शरद पवार यांच्या कार्यालयात काका पुतण्या हे दोघंच उपस्थित होते. तर दिलीप वळसे पाटील आणि समरजित घाटगे मात्र बाहेर वेटिंगवर थांबलेले होते. चर्चा केल्यानंतर शरद पवार यांच्या केबिनमधून बाहेर पडतानाचा अजित पवार यांचा एक्सक्ल्यूझिव व्हिडिओ साम टीव्हीच्या हाती लागला आहे.

एकीकडे याच कार्यक्रमात एकाच व्यासपीठावर शेजारी शेजारी बैठक व्यवस्था असताना अजित पवार यांनी शरद पवारांच्या शेजारी बसायचं टाळलं. त्यामुळे राजकीय वर्तुळात चर्चा रंगलेल्या असतानाच कार्यक्रमानंतर मात्र अजित पवारांनी अशाप्रकारे जाऊन शरद पवारांची भेट घेतल्याने या दोघांमध्ये नेमकी काय चर्चा झाली यावरून देखील आता चर्चा सुरू झाल्या आहेत.