अक्षय बडवे, साम टीव्ही

पुणे: पती पत्नी मधील भांडणाचे अनेक प्रकार समोर येतात आता असाच एक प्रकार पुण्यातून समोर आला आहे. पती पत्नीमध्ये झालेल्या भांडणानंतर रागाच्या भरात पतीने दुचाकी पेटवून दिल्याचा प्रकार घडलाय. पुण्यातील गणेश पेठेत शुक्रवारी सकाळी ९ वाजता हा सगळा प्रकार घडला. याबाबत पोलिसांनी दिलेल्या माहितीनुसार, पती पत्नी वेगवेगळे राहत असून ते मुळचे कोंढव्यात राहणारे आहेत. महिला गणेश पेठेतील भावाकडे आली होती. सकाळी तिचा पतीही तेथे आला. त्यांच्यात वादावादी झाली. तेव्हा राग सहन न झाल्याने पतीने थेट दुचाकी पेटवून दिली. ही सर्व घटना सी सी टिव्ही मध्ये कैद झाली आहे