पुण्यातील हिट अँड रन ची घटना ताजी असतानाच मुंबईच्या अंधेरीमधील उड्डाण पुलावर देखील अशाप्रकारची घटना घडली आहे. अंधेरी उड्डाणपुलावरून सायकल वरून जाणाऱ्या दोन महाविद्यालयीन तरुणांना भरधाव वेगात असलेल्या पिकअप टेम्पो ट्रकने उडवल्याची घटना घडली आहे. यात एका तरुणाचा मृत्यू झाला असून दुसरा तरुण गंभीर जखमी आहे. याप्रकरणी अंधेरी पोलिसांनी टेम्पो ट्रक चालक धनंजय राय याला परेल येथून अटक केली आहे. या अपघातात विवेक यादव 18 वर्षे तरुणाचा जागेवरच मृत्यू झाला. तर अमन यादव हा 19 वर्षे तरुण गंभीर जखमी झाला आहे. त्याच्यावर जवळच्या रुग्णालयात उपचार सुरू आहेत. याप्रकरणी अंधेरी पोलिसांनी टेम्पो ट्रक चालका विरोधात गुन्हा दाखल करून त्याला अटक केली आहे. पोलीसांकडून याप्रकरणाचा तपास सुरु आहे.