पुणे हिट अँड रन प्रकरणी अल्पवयीन आरोपीच्या आजोबांना पोलिसांनी अटक केली आहे. अपघाताची माहिती पोलिसांना कळू नये म्हणून आरोपीच्या आजोबांनी ड्रायव्हरला डांबून ठेवलं आणि त्याला धमकीही दिली होती. पोलिसांनी या प्रकरणी सुरेंद्रकुमार अगरवालविरोधात गुन्हा दाखल केला असून त्याला अटक केली आहे. सुरेंद्रकुमारवर आधीच गोळीबार केल्याचा गुन्हा दाखल आहे. इतकंच नाही तर सुरेंद्रकुमारचे छोटा राजनशी संबंध असल्याचेही पोलिसांच्या तपासात उघड झाले आहे. या प्रकरणी पोलिस अधिक तपास करत आहेत.