पुण्यात सध्या मुसळधार पावसाने जोरदार हजेरी लावली आहे. तर लोणी कदम वस्तीत पावसाचं पाणी शिरल्यामुळे रहिवाशांच मोठे नुकसान झाले आहे. त्यामुळे एका कुटुंबाला अश्रू अनावर झाले आहेत. लोणी काळभोर परिसरात पावसाने थैमान घातले आहे. मागील काही तासांपासून शहरात मुसळधार पाऊस पडत असून अनेक भागांत पाणी साचले आहे. नागरिक घरांमध्ये साचलेल पाणी बाहेर काढण्याचा प्रयत्न करित आहे.

संसारोपयोगी साहित्यच देखील मोठ्या प्रमाणात नुकसान झाले आहे. हे नुकसान भरपाई देणार कोण, संसार पुन्हा उभा कसा करायचा हा मोठा प्रश्न या नागरिकांसमोर उभा राहिला आहे. अजूनही पावसाचा जोर कायम असल्याने परिस्थिती गंभीर होण्याची शक्यता वर्तवली जात आहे. प्रशासनाने नागरिकांना आवश्यक असल्याशिवाय घराबाहेर न पडण्याचे आवाहन करण्यात आले आहे. मुसळधार पावसामुळे जनजीवन विस्कळीत झाले आहे.