पुणे येथील सदाशिव पेठेतील कचरावेचक अंजू माने यांनी रस्त्यावर सापडलेली तब्बल दहा लाख रुपये परत केले आहेत. त्यांच्या प्रामाणिकपणामुळे स्थानिकांनी त्यांचे कौतुक केले आहे. अंजू माने स्वच्छता संस्थेत काम करत आहेत. त्यांनी सांगितले की, गेल्या अनेक वर्षांपासून मी कचरा गोळा करण्याचे काम करत आहे, पण एवढी मोठी रक्कम सापडलेली कधी नव्हती. रक्कम सापडल्यावर ताबडतोब ती योग्य व्यक्तीला परत करण्याचा निर्णय घेतला.

हा प्रकार १५ नोव्हेंबर रोजी घडला. सदाशिव पेठेतील पेरूगेटजवळ एका सोसायटीबाहेर कचऱ्यात अंजू माने यांना एक बँग पडलेली दिसली. सुरुवातीला औषधांची साधी बँग असल्याचे वाटले, पण सावधगिरीने ती फिडर पॉइंटला सुरक्षित ठेवली. नंतर बॅग उघडल्यावर त्यामध्ये औषधे आणि दहा लाखांची रोख रक्कम असल्याचे आढळले. अंजू माने या साधारण ४० वर्षांपासून सदाशिव पेठ परिसरात कचरावेचक म्हणून काम करत आहेत आणि त्या भागातील नागरिकांना चांगली ओळख आहे.