Shirish More Maharaj Death News : जगद्गुरु संत तुकाराम महाराजांचे अकरावे वंशज ह. भ. प . शिरीष महाराज मोरे यांनी आत्महत्या केल्याने एकच खळबळ उडाली आहे. वारकरी संप्रदायातील तरुण उमदे व अभ्यासू नेतृत्व , कोल्हापूर विभागाचे संघाचे कार्यवाहक आणि शिवव्याख्याते म्हणून देखील शिरीष महाराज अवघ्या महाराष्ट्राला परिचित होते. वयाच्या अवघ्या 32 व्या वर्षी त्यांनी हे टोकाचे पाऊल का उचललं ? असा प्रश्न सगळ्यांनाच पडला आहे.

आज पहाटेच्या सुमारास शिरीष महाराज यांनी गळफास घेऊन आपले जीवन संपविल्याची माहिती मिळताच देहू रोड पोलीस स्टेशन घटनास्थळी दाखल झाले. सध्या शिरीष महाराज मोरे यांच्या पार्थिवाचे शवविच्छेदन सुरू असून संध्याकाळी चार वाजता देहू गावातील वैकुंठ स्मशानभूमीत त्यांच्या पार्थिवावर अंत्यसंस्कार केले जाणार आहेत.

ही घटना समस्त देहूकरांसाठी व मोरे कुटुंबीयांसाठी धार्मिक अध्यात्मिक आणि कौटुंबिक नुकसान करणारी असून महारांचं निधन अकस्मात झालं आहे का ? या संदर्भातली चौकशी पोलीस करतील, मात्र तोपर्यंत त्यांच्या चाहत्यांनी कोणत्याही अफवावर विश्वास न ठेवता या दुःखात आम्हाला आधार द्यावा असं त्यांच्या कुटुंबाच्या वतीने सांगण्यात आले आहे.