पुण्यामध्ये दिवाळी पाडव्याच्या कार्यक्रमात तुफान राडा झाल्याची घटना समोर आली आहे. सारसबागमध्ये किरकोळ वादातून तरुणांचे दोन गट आमने-सामने आले. एकामेकांना धू धू धुतलं. पोलिसांनी मध्यस्थी करत हा वाद मिटवला. या वादाचा व्हिडीओ समोर आला असून तो व्हायरल होत आहे.

पुण्यात दिवाळी पाडव्याची धूम सर्वत्र पहायला मिळतेय. पुण्यातील सारसबागमध्ये पाडवा पहाटचा कार्यक्रमाला मोठ्या संख्येने तरुणाईची उपस्थिती पाहायला मिळाली. सारसबागमध्ये असलेल्या तळ्यातील गणपतीचे दर्शन घेण्यासाठी, सांस्कृतिक कार्यक्रम पाहण्यासाठी पहाटे ३ वाजल्यापासून गर्दी झाली. पारंपरिक वेशभूषा धारण करत तरुणाई ही त्यांच्या मित्रांसोबत या ठिकाणी पाडव्याचे निमित्त असल्याने दर वर्षी एकत्र येतात.