Pune BMW News : पुण्यात कुकृत्य करणाऱ्या गौरव आहुजा याला पोलिसांनी अटक केली आहे. त्याची वैदकीय चाचणी पूर्ण झाली असून आज त्याला दुपारी कोर्टात हजर करण्यात येणार आहे. गौरव अहुजा आणि त्याच्या बापाची गुन्हेगारी हिस्ट्री समोर आली आहे. गौरव अहुजा याच्यावर जुगार आणि अपहरणाचा गुन्हा दाखल आहे.

गौरव अहुजा क्रिकेट बेटिंग खेळणाऱ्या टोळीचा सदस्य आहे. बेटिंगच्या व्यसनात गौरव याने अनेक तरूणांना कर्जबाजारी केलेय. पैशासाठी अनेकांचे अपहरण केल्याचेही समोर आले आहे. गौरव २० वर्षांचा असताना त्याच्यावर गुन्हा दाखल झाला होता. पुण्यातील गुंड सचिन पोटेच्या नेतृत्वात गौरव बेटिंग करत होता. गौरव याने कॉलेजमधील अनेकांना बेटिंगच्या जाळ्यात ओढून कर्जबाजारी केलेय.

गौरव आहुजाचं ससून रूग्णालयामध्ये मेडिकल झालं, त्यानंतर त्याला येरवडा पोलीस स्टेशनमध्ये आणण्यात आले आहे. येरवडा पोलिसांनी गौरव आहुजाला अटक दाखवली आहे. दुपारी करणार कोर्टासमोर हजर आहे. गौरव अहुजाची गाडी ही पुणे पोलिसांकडून जप्त केली जाऊ शकते.