राष्ट्रीय आणि आंतरराष्ट्रीय क्रीडा प्रेमींसाठी हक्काचं माहेर घर असलेल्या पुण्यातील बालेवाडी येथील छत्रपती शिवाजी महाराज आंतरराष्ट्रीय क्रीडा संकुल परिसरामध्ये डोपिंग सदृश्य इंजेक्शन आणि औषध आढळून आली आहेत. क्रीडा संकुलात व्यामासाठी गेलेल्या एका तरुणाला ही उत्तेजनात्मक औषध आढळून आली आहेत. त्यामुळे क्रीडा विश्वात एकूणच मोठी खळबळ निर्माण झाली आहे. बालेवाडी येथील क्रीडा संकुलात राष्ट्रीय आणि आंतरराष्ट्रीय पातळीच्या क्रीडा स्पर्धा होत असतात, त्याचबरोबर या ठिकाणी वेगवेगळ्या राष्ट्रीय आणि आंतरराष्ट्रीय क्रीडा स्पर्धांसाठी खेळाडू सराव करत असतात. त्यामुळे या ठिकाणी अशा प्रकारचे उत्तेजनात्मक औषध आढळून आल्याने एकूणच क्रीडा विश्वात खळबळ निर्माण झाली आहे. याच परिसरामध्ये राज्याचं क्रीडा आयुक्तालांच कार्यालय देखील आहे तसेच चोख सुरक्षा व्यवस्था देखील या परिसरात कार्यरत असते . असं असताना देखील काही खेळाडू उत्तेजनात्मक औषधाचा वापर करत असल्याने क्रीडा संकुलातील सुरक्षा व्यवस्थेवर आणि राज्यातील क्रीडा आयुक्तांच्या कारभारावर देखील प्रश्नचिन्ह उपस्थित केले जात आहेत.