लिफ्टच्या दरवाजाने खुल्याने लिफ्टमध्ये अडकून एका बारा वर्षाच्या चिमुकल्या मुलाचा दुर्दैवी मृत्यू झाला आहे. पिंपरी चिंचवड शहरातील चौवीसवाडी येथील राम स्मृती सोसायटी येथे काल संध्याकाळी ही दुर्देवी घटना घडली आहे. राम स्मृती सोसायटी बिल्डिंगच्या तिसऱ्या आणि चौथ्या मजल्या दरम्यान लिफ्ट अडकून बसली होती या लिफ्टमध्ये एका 12 वर्षाचा मुलगा अडकून फसला असल्याची माहिती पिंपरी चिंचवड महापालिकेच्या अग्निशमन दलाला मिळाली. माहिती मिळताच अग्निशमन घटनास्थळाकडे रवाना होऊन लिफ्ट मधून मुलाची सुटका करून त्याला जवळच्या खाजगी रुग्णालयात उपचारासाठी पाठवण्यात आलं, मात्र रुग्णालयात पोहोचण्यापूर्वीच मुलाचा मृत्यू झाला होता.