प्रांजल खेवलकर यांच्या विरोधात पोलिसांनी केलेली कारवाई ही पूर्णपणे बनावट असून, त्यांना अडकवण्यासाठी हे सगळं नियोजनपूर्वक घडलं असल्याचा गंभीर आरोप प्रांजल खेवलकर यांच्या वकिलांनी केला आहे.वकील विजयसिंह ठोंबरे पाटील यांनी दावा केला की, “ज्या महिलेच्या पर्समध्ये कोकेन सापडले होते, ती महिला पोलिसांनीच मुद्दाम पाठवली होती. हे सगळं एक ट्रॅप होता आणि प्रांजल खेवलकर यांना चुकीच्या पद्धतीने गुन्हेगार ठरवण्याचा प्रयत्न करण्यात आला.”या पार्श्वभूमीवर खेवलकर यांच्या वतीने लवकरच उच्च न्यायालयात धाव घेण्यात येणार असून, पोलिसांच्या बनावट कारवाईला वाचा फोडली जाणार असल्याचे ठोंबरे पाटील यांनी सांगितले आहे.