Prakash Ambedkar prediction on Eknath Shinde : वंचित बहुजन आघाडीचे नेते प्रकाश आंबेडकर यांनी राज्याच्या राजकारणाबाबत एक खळबळजनक दावा केला आहे. नुकत्याच झालेल्या विधानसभा निवडणुकीनंतर एकनाथ शिंदे यांना मुख्यमंत्रीपद नाकारण्यात आले होते, मात्र सध्याची राजकीय परिस्थिती पाहता पुढील एक ते दोन महिन्यांत ते पुन्हा महाराष्ट्राचे मुख्यमंत्री होऊ शकतात, असे भाकीत आंबेडकरांनी वर्तवले आहे. उपमुख्यमंत्र्यांनी आपली ताकद काय आहे हे दाखवून दिले आहे, असेही त्यांनी यावेळी नमूद केले. महायुतीमधील अंतर्गत घडामोडी आणि एकनाथ शिंदे यांची भूमिका यावर भाष्य करताना त्यांनी हे वक्तव्य केले आहे. या दाव्यामुळे राजकीय वर्तुळात चर्चांना उधाण आले आहे.