Prajakta Mali appeal for voting in Mahapalika elections : मुंबई, ठाणे, पुण्यासह राज्यात आज 29 महानगरपालिकांच्या निवडणुकीसाठी आज मतदान होत आहे. सकाळी साडेसातपासून मतदान प्रक्रियेला सुरुवात झाली होणार आहे. त्याआधी मराठी अभिनेत्री प्राजक्ता माळी हिने मतदारांना मतदान करण्याचे आवाहन केलेय. कोणतेही कारण देऊन मतदान करणे टाळू नका, असे प्राजक्ता माळी हिने म्हटलेय.

विविध पक्षांसह अपक्ष उमेदवार रिंगणात उतरले असून, एकूण 15,931 उमेदवारांचे राजकीय भवितव्य आज मतपेटीत बंद होणार आहे. शहरांच्या विकासाची दिशा ठरवणाऱ्या या निवडणुकांकडे राज्याचे लक्ष लागले आहे. मतदारांनी मोठ्या प्रमाणात मतदान करावे, असे आवाहन निवडणूक आयोगाकडून करण्यात आले आहे... दरम्यान 16 जानेवारीला लागणाऱ्या निकालाबद्दल मोठी उत्सुकता निर्माण झालीय..