मुंबई महापालिकेच्या कस्तुरबा रूग्णालयातील एका कर्मचाऱ्याने निवृत्ती सोहळ्यानिमित्त सर्व सहकाऱ्यांना प्रबोधनकार ठाकरे यांचे पुस्तक भेट दिल्यावरून मोठा वाद निर्माण झाला आहे. या पुस्तकात नेमकं आहे तरी काय? प्रबोधनकार ठाकरे यांची लेखणी नक्की काय सांगते? समाजप्रबोधन करणे हा अभिव्यक्ती स्वातंत्र्याचा भाग असून पुस्तके लिहिणे- वितरीत करणे हा त्याचाच एक भाग आहे. अनिष्ट प्रवृत्ती विरोधात लढा देण्याचं काम प्रबोधनकार यांनी केलं होतं. प्रबोधनकार ठाकरे यांच्या वाणीच्या आणि लेखणीच्या शैलीला महाराष्ट्रात जोड सापडणे कठीण असल्याचं अनेकांचे म्हणणे आहे कारण त्यांच्या लेखणीत नुसता टोला नव्हे, तर सणसणीत प्रहार आहे. याचाच एक भाग म्हणजे, "देव आणि देवळांचा धर्म" हे पुस्तक.