मुंबई : पंतप्रधान नरेंद्र मोदी उद्या महायुतीच्या आमदारांचा क्लास घेणार आहेत. मुंबईतील नौदलाच्या आंग्रे सभागृहात पंतप्रधान नरेंद्र मोदी आणि आमदारांची बैठक होणार आहे. तब्बल अडीच तास पंतप्रधान नरेंद्र मोदी हे महायुचीच्या आमदारांसोबत संवाद साधणार आहेत. या कार्यक्रमात आमदारांना मोबाईल वापरण्यास बंदी असणार आहे. मोबाईल विधानभवनात ठेवत आमदारांना सभागृहात पोहोचण्याचे आदेश देण्यात आले आहेत. आगामी स्थानिक स्वराज्य संस्थेच्या पार्श्वभूमीवर ही बैठक महत्वाची मानली जात आहे. त्यामुळे या बैठकीत पंतप्रधान नरेंद्र मोदी काय बोलणार याकडे साऱ्यांचं लक्ष लागलं आहे.