पुणे : सध्या लोकसभा निवडणुकीची आचार संहिता सुरू असताना पिंपरी चिंचवड शहरात एका महागड्या गाडीमध्ये 29 लाख 50 हजार रुपयांची रोकड आढळून आली. निवडणूक आयोगाच्या सेटेस्टिक सर्विलांस टीमने निगडी चेक पोस्टवर मोठी रोकड जप्त केली आहे. मर्सिडीज या महागड्या चार चाक वाहनातून ही 29 लाख 50 हजार रुपयांची रोकड जप्त करण्यात आली आहे. ही रोकड नेमकं कुणाची आहे आणि कुठल्या कारणासाठी एवढी मोठी रोख रक्कम चार चाकी वाहनात वाहून नेण्यात येत होती ? का मतदारांन मध्ये ही रक्कम वितरित करण्यात करण्यासाठी नेण्यात येत होती? याचा तपास आता निवडणूक आयोगाचा पथक आणि आयकर विभागाचा पथक करत आहे.