Chhatrapati Sambhajinagar News | छत्रपती संभाजीनगर मधील डॉ.बाबासाहेब आंबेडकर मराठवाडा विद्यापीठात कंत्राटी कर्मचाऱ्यांच्या भविष्य निर्वाह निधीचा प्रचंड मोठा घोटाळा झाल्याची धक्कादायक माहिती समोर आलीय. यामध्ये विद्यापीठ निधीतून नियुक्त 49 नियमित कर्मचाऱ्यांचा 1 कोटी तर 322 जणांचा 1.85 कोटी असा एकूण 2.85 कोटीचा PF कपात केला मात्र तो अकाउंट मध्ये जमा केला नसल्याची माहिती समोर आलीय. शिवाय PF कपात केलेल्यांची नावेच विद्यापीठाकडून गायब झाल्याने कंत्राटी कर्मचाऱ्यांनी दाखल केलेल्या तक्रारीनुसार PF ऑफिस तर्फे विद्यापीठाची कसून चौकशी सुरू आहे. त्यामुळे PF चे पैसे कुठे गेले आणि कोणी हा घोटाळा केला याची चर्चा सध्या सुरूये.