Pawar family upset with Sunil Tatkare and Praful Patel : सुनील तटकरे आणि प्रफुल्ल पटेलांवर पवार कुटुंब नाराज असल्याचं सूत्रांकडून सांगण्यात आलंय. बारामतीत अजित पवारांच्या अस्थी विसर्जनाचे विधी सुरू असतानाच मुंबईत राष्ट्रवादीचं बैठकसत्र सुरू होतं. सुनील तटकरे, प्रफुल्ल पटेल, छगन भुजबळांची मुख्यमंत्री देवेंद्र फडणवीसांसोबत बैठक पार पडली. या बैठकीवरुन पवार कुटुंबीयांनी तीव्र नाराजी व्यक्त केली. दुःखाच्या काळात सत्तावाटपाची एवढी घाई करण्याची गरज काय, असा संतप्त सवाल पवार कुटुंबाकडून करण्यात आल्याचे सूत्रांनी सांगितले.

दरम्यान, आज राष्ट्रवादी काँग्रेसची मुंबईमध्ये बैठक पार पडणार आहे. सुनील तटकरे यांनी राष्ट्रवादी काँग्रेसच्या सर्व आमदारांना मुंबईत बैठकीसाठी उपस्थित राहण्याचे आदेश दिले आहेत. दरम्यान, सुनेत्रा पवार या आज उपमुख्यमंत्रीपदाची शपथ (Sunetra Pawar deputy CM oath) घेणार आहेत. दुपारी होणाऱ्या बैठकीत त्यावर शिक्कामोर्तब होईल, असे सांगण्यात येतेय.