बीड : भाजप नेत्या पंकजा मुंडे यांची बीडमध्ये जाहीर सभा पार पडतेय. उमेदवारी अर्ज दाखल केल्यानंतर पंकजा मुंडेंनी पहिल्यांदा भाषण केलं. मला एक काटा रुतलाय म्हणून एक संधी मागतेय. 4 तारखेला अधुरा राहिलेला किस्सा मला पूर्ण करायचा आहे, असं पंकजा मुंडे म्हणाल्या. या बीड जिल्ह्याच्या राजकारणाला दरवेळी कुणाची दृष्ट लागते हे मला कळत नाही. प्रत्येक जण इथं भाषण कराल. मात्र तुम्ही ग्राऊंडवर काय करताय हे सर्वजण पाहत आहेत, असंही पंकजा मुंडे म्हणाल्या.