आज लातूर शहरामध्ये दिवंगत गोपीनाथ मुंडे यांच्या पुतळ्याचे अनावरण पार पडले. या पुतळ्याचे अनावरण मुख्यमंत्री देवेंद्र फडणवीस यांच्या हस्ते पार पडले. यावेळी पंकजा मुंडे भाषण करत असताना भारावून गेल्या होत्या. आजचा दिवस असा आहे की काय बोलाव मला कळत नाही. ज्या दिवशी गोपीनाथ मुंडे यांचं निधन झाले त्यांनंतर त्या धक्क्यात आम्ही सगळेच होतो. मी जेव्हा रुग्णालयात गेले तेव्हा दिल्लीत मला कुणीही ओळखीचं नव्हतं वाटत. त्यावेळी देवेंद्रजी गोपीनाथ मुंडेंच्या मृतदेहाजवळ उभे होते. त्यावेळी मी देवेंद्रजीना हाक मारत धायमोकलून रडायाला लागले. हे सांगत असताना पंकजा मुंडे यांना अश्रू अनावर झाल्याचे पाहायला मिळाले.