सोलापुरातील पंढरपुरातून धक्कादायक घटना समोर आली आहे. पंढरपुरात नगरसेवकाने तिघांवर कोयत्याने वार केल्याची खळबळजनक घटना समोर आली आहे. आमच्याकडे भिशी का लावत नाही, या रागातून तिघांवर कोयत्याने वार केल्याची प्राथमिक माहिती मिळत आहे. नगरसेवक लोकेश यादव, माजी नगरसेवक नागेश यादव यांच्यासह २० जणांवर पंढरपूर शहर पोलिसांत गुन्हा दाखल करण्यात आला आहे. संशयित आरोपी लोकेश यादव हा भालके गटाच्या तीर्थक्षेत्र विकास आघाडीचा नगरसेवक आहे. एका नगरसेवकाने तिघांवर कोयत्याने वार केल्याच्या घटनेने परिसरातील लोकांमध्ये भीती पसरली आहे. नागरिकांकडून आरोपींवर कठोर कारवाईची मागणी करण्यात येत आहे.