पालघर जिल्ह्यातील जव्हार मोखाडा तालुक्यांमध्ये मुसळधार पावसाने जोर धरला आहे. सततच्या पावसामुळे सखल भागांमध्ये पाणी साचण्याची स्थिती निर्माण झाली आहे. विशेषतः कसारा, खोडाळा, मोखाडा रस्त्यावरील गारगाई नदीवरील पुलावर मोठ्या प्रमाणात पावसाचे पाणी साचून रस्ते बंद झाले आहेत. या पुलावर सुमारे २ ते ३ फूट पाणी साचल्याने मार्गावरील वाहतूक पूर्णपणे ठप्प झाली आहे. पुलावरील पाणी कधी ओसरेल याची वाट नागरिक पाहत आहेत. त्यामुळे अनेक वाहनं रस्त्याच्या दोन्ही बाजूंनी अडकून पडली असून प्रवाशांना मोठ्या गैरसोयींचा सामना करावा लागत आहे.