भारतीय लष्कराने इस्रायली निर्मित असलेल्या हारोप ड्रोनच्या सहाय्याने पाकिस्तानमधील लाहोरमध्ये हल्ला केला. लाहोरमध्ये या ड्रोनने थेट पाकिस्तानच्या एयर डिफेन्स सिस्टीमवर अचूक निशाणा साधला आहे. इस्त्राइलकडून खरेदी केले जाणारे हारोप ड्रोन हे अत्याधुनिक तंत्रज्ञानाने सुसज्ज आहेत. हे ‘किलर ड्रोन’ शत्रूच्या उच्च-महत्त्वाच्या लष्करी लक्ष्यांचा नाश करू शकतात. इस्रायेल एअरोस्पेस इंडस्ट्रीजच्या (IAI) MBT मिसाईल विभागाने विकसित केलेले हारोप ड्रोन हे ‘लोइटरिंग म्युनिशन सिस्टम’ आहे.

हे ड्रोन इलेक्ट्रो-ऑप्टिकल सेन्सर्सने सुसज्ज आहेत. जे शत्रूचे देखरेख केंद्रे व रडार स्थानकांसारख्या उच्च-महत्त्वाच्या लष्करी लक्ष्यांचे निरीक्षण करू शकतात आणि नंतर स्फोट करतात. इस्त्राइलचे हारोप ड्रोन थेट शत्रूच्या लक्ष्यांवर आदळतात आणि त्यांचा नाश करतात. हे इलेक्ट्रो-ऑप्टिकल सेन्सर्सने सुसज्ज असून ते लक्ष्याचा अचूक ठाव ठेऊ शकतात.

हारोप हे एक प्रभावी लोइटरिंग म्युनिशन आहे, जे मानवरहित हवाई वाहन (UAV) आणि क्षेपणास्त्र या दोन्हींच्या क्षमतेचे संयोजन आहे. हे टँक, हवाई संरक्षण प्रणाली, कमांड पोस्ट, पुरवठा गोदामे आणि मानवरहित पृष्ठभागावरील नौका अशा उच्च-महत्त्वाच्या लक्ष्यांचा शोध घेऊन त्यांचा नाश करण्यास सक्षम आहे.