धाराशीव : महाविकास आघाडीचे आणि ठाकरे गटाचे धाराशीवचे उमेदवार ओमराजे निंबाळकर यांच्या उमेदवारी अर्जामध्ये त्रुटी आढळल्या आहेत. ओमराजे यांच्या शिवाय महायुतीच्या आणि अजित पवारांच्या राष्ट्रवादीच्या उमेदवार अर्चना पाटील यांच्याही उमेदवारी अर्जात त्रुटी आहेत. ओमराजे आणि अर्चना पाटील यांनी आज उमेदवारी अर्ज भरला होता. ओमराजे आणि अर्चना पाटील यांच्या अर्चना पाटील यांच्या एबी फॉर्म आणि मालमत्ता प्रमाणपत्रामध्ये चुका आहेत. 19 एप्रिल तीन वाजेपर्यंत त्रुटीची पूर्तता करण्याची नोटीस निवडणूक आयोगाने दिली आहे. जर या चुका दुरुस्त झाल्या नाहीत तर दोघांची उमेदवारी अर्ज बाद होतील असे सांगितले जात आहे.