मराठा समाजाला कुणीबी प्रमाणपत्र देण्याचा जीआर त्वरीत रद्द करा,आता ओबीसी हटणार नाही. जीआर मागे घेतला नाही तर मुंबई, ठाणेसह पुणे जॅम करू असा इशारा ओबीसी नेते विजय वडेट्टीवार यांनी सरकारला दिलाय. राज्यात मराठा आणि ओबीसी आरक्षणाच्या मुद्द्यावरुन राजकीय वातावरण तापलं आहे. सरकारने काढलेल्या जीआरविरोधात ओबीसी नेते आक्रमक झाले आहेत. आज नागपुरात ओबीसी समाजाकडून मोर्चा काढण्यात आला. यावेळी काँग्रेस नेते आणि ओबीसी नेते विजय वडेट्टीवार यांनी सरकारला गंभीर इशारा दिला.

सरकारनं जीआर काढून ओबीसीवर सुरी चालवलीय. तुम्ही जशी मुंबई जॅम केली तशी आणि मुंबईसह ठाणे, पुणे जॅम करू. मराठा समाजाला कुणबी प्रमाणपत्र देऊन ओबीसी आरक्षणात घुसखोरी केली जातेय. ओबीसीच्या मानेवर सुरी चालवण्याचे काम सरकारनं केलंय. ३७४ जातींनी तुम्हाला खुर्चीवर बसवलं त्यांच्यावरच अन्याय करण्याची हिंमत कशी झाली असा सवाल विजय वडेट्टीवार यांनी सरकारला केला.