मुंबईत सुरू असलेल्या भाषा वादाच्या पार्श्वभूमीवर, आता ठाकरेंच्या डरकाळीनंतर अमराठी व्यापाऱ्यांनी मराठी शिकण्यास सुरुवात केलीय. बोरीवलीत मनसेकडून 'मराठीची पाठशाळा' हा उपक्रम राबवण्यात आला. यात अनेक अमराठी व्यापाऱ्यांनी उत्स्फूर्त सहभाग घेत मनसे कार्यकर्त्यांसोबत बसून मराठी बाराखडी शिकण्याचा प्रयत्न केला. मुंबईत मराठीच्या पुनरुज्जीवनासाठीचा हा प्रयत्न प्रभावशाली होताना दिसतोय.

गेल्या काही दिवसांपासून राज्यात मराठी आणि अमराठी वाद सुरू आहे. याच मुद्यावरून मनसे कार्यकर्त्यांनी एका व्यापाऱ्याला मीरा भाईंदरमध्ये चोप दिला होता. यानंतर तेथील अमराठी व्यापाऱ्यांनी मोर्चा काढला होता. त्यालाच प्रत्युत्तर देत मनसे कार्यकर्त्यांनी दोन दिवसापूर्वी मराठी नागरिकांना घेऊन मोर्चा काढला होता. याच पार्श्वभूमीवर बोरीवलीमध्ये मनसे कार्यकर्त्यांनी मराठी पाठशाळा सुरू केली आहे. यामध्ये तेथील व्यापऱ्यांना मराठी शिकवण्यात येणार आहे.