भाजप नेते नीलेश राणे यांनी भाजपला आज सोडचिठ्ठी दिली आहे. उद्या ते शिवसेनेत मुख्यमंत्री एकनाथ शिंदे यांच्या उपस्थितीत कुडाळमध्ये प्रवेश करणार आहेत. याबाबत त्यांनी आज पत्रकार परिषदेत माहिती दिली आहे. 'माझा शिवसेनतील प्रवेश निश्चित झाला आहे. हा सर्व विषय नेत्यांनी ठरवलेला आहे,असं त्यांनी यावेळी बोलताना म्हंटलं आहे.

नारायण राणे यांच्या राजकारणाची सुरवात झालेल्या पक्षात मला काम करण्याची संधी मिळत आहे. केवळ कुडाळमधून निवडणूक जिंकण्यासाठी आपण काम करणार आहोत. कुडाळमधून धनुष्यबाणवर निवडणूक लढवणार असे त्यांनी स्पष्ट केले. तर भाजपमध्ये मला शिस्त शिकायला मिळाली. देवेंद्र फडणवीस यांनी मला कायम लहान भावासारखी वागणूक दिली. भाजपमध्ये सर्वच नेत्यांसोबत माझे चांगले संबंध आहेत, ते कायम राहतील. आज जास्त काही बोलण्यासारखे नाही. पण एकनाथ शिंदेंच्या नेतृत्वात काम करण्याची जी संधी मिळाली त्याचा आनंद आहे. पक्षांने काही हवा काढली नाही. मी शिस्त आणि प्रोटोकॉल पाळणारा माणूस आहे.

Edited By Rakhi Rajput