शिंदेसेनेचे आमदार नीलेश राणे यांनी खळबळजनक दावा केला आहे. किशोरी पेडणेकर यांनी उद्धव ठाकरे आणि रश्मी ठाकरे यांना ब्लॅकमेल करून महापालिकेचे तिकीट मिळवले आहे. ठाकरे गटाची पहिली यादी जाहीर झाली त्यावेळी पेडणेकर यांचे नाव त्यामध्ये नसल्याने पेडणेकर यांनी मातोश्री येथे गेल्याचे दिसून आले होते. त्यानंतर दुसऱ्या यादीत त्यांना स्थान देण्यात आले. आता यावरच नीलेश राणे म्हणाले की पेडणेकर यांना उमेदवारी मिळत नव्हती. त्यांनी उद्धव साहेबांना आणि वाहिनी साहेबांना धमकी देऊन उमेदवारी मिळवलेली आहे. सुखासुखी त्यांना ती उमेदवारी मिळालेली नाही.

मी सगळेच बाहेर काढेन. कोविडच्या काळामधील मला सगळे माहिती आहे. ही धमकी देऊन शेवटच्या टप्प्यामध्ये उद्धव ठाकरे आणि त्यांच्या पत्नींना ब्लॅकमेल करुन स्वतःची उमेदवारी मिळवली आणि आज त्यांचं भांड फुटलं उमेदवारीचं असा गंभीर दावा नीलेश राणे यांनी केला आहे.