अहमदनगर : पोलीस निरिक्षकाला जाऊन सांगा तुमचा बाप येतोय, असं म्हणत शरद पवार गटाचे नेते निलेश लंके यांनी पोलिसांना धमकी दिली आहे. पोलिसांच्या भूमिकेवर निलेश लंके यांनी नाराजी व्यक्त केली आहे. पोलीस आमच्या कार्यकर्त्यांवर दबाव टाकत आहेत. तसंच कार्यकर्त्यांना धमकावलं जातंय, असा आरोप निलेश लंके यांनी केला आहे. शेवगावच्या भरसभेतून लंकेंनी पोलिसांनी चांगलाच समाचार घेतला आहे. निवडणूक लागल्यापासून किती पोलीस प्रशासनांनी आम्हाला त्रास दिलाय. याची संपूर्ण नोंद आमच्याकडे आहे, असं लंके म्हणाले.