राष्ट्रवादी काँग्रेस शरद पवार गटाचे खासदार निलेश लंके यांनी ठाकरे गटाचे प्रमुख उद्धव ठाकरे यांची भेट घेतली. या भेटी विधानसभा निवडणूक ते अनेक विषयांवर चर्चा झाली. ठाकरेंच्या भेटीनंतर निलेश लंके यांनी विधानसभेच्या निवडणुकीवर मोठं भाष्य केलं. तसंच शिवसेनेतून सुरू झालेल्या राजकीय प्रवासाचा किस्सा सांगितला. बाळासाहेब ठाकरे यांचं एक वाक्य आठवत. ८० टक्के समाजकारण आणि 20 टक्के राजकारण... बाळासाहेबांची प्रेरणा घेऊन मी माझ्या राजकारणाचा प्रवास सुरू केला होता. शिवसेनेत शाखाप्रमुख, गटप्रमुख आणि तालुकाप्रमुख असे सगळे पद मी भूषवले. मी खासदार म्हणून निवडून आलो. त्याचा उद्धव ठाकरे यांना खूप आनंद झाला, असं खासदार निलेश लंके म्हणाले.