राज्याचे उपमुख्यमंत्री अजित पवार यांच्या विमान अपघात प्रकरणात नवा ट्विस्ट आला आहे. या प्रकरणात आणखी धक्कादायक माहिती समोर येण्याची शक्यता आहे. राष्ट्रवादी काँग्रेस शरद पवार गटाचे आमदार रोहित पवार उद्या पत्रकार परिषद घेणार आहेत. दिल्लीमध्ये त्यांची पत्रकार परिषद होणार आहे. अपघात प्रकरणाचा अपेक्षित तपास होत नसल्यामुळे त्यांनी नाराजी व्यक्त केली. याआधीच्या दोन पत्रकार परिषद मुंबईत झाल्या होत्या. आता उद्या ते तिसरी पत्रकार परिषद थेट दिल्लीत घेणार असून यामध्ये अजित पवार यांच्या विमान अपघातासंदर्भात काय पुरावे मांडणार याकडे सर्वांचे लक्ष लागले आहे. अजित पवार यांच्या निधनाला २० दिवस पूर्ण झाले. तरी देखील अद्याप हा अपघात नेमका कसा झाला? यामागचे कारण समोर आले नाही. पवार कुटुंबीयांनी या अपघात प्रकरणाची सखोल चौकशी करण्यात यावी अशी मागणी केली आहे.